Segir að Brad Pitt hafi verið mun hamingjusamari með Jennifer Aniston

Brad Pitt var mun hamingjusamari með Jennifer Aniston heldur en með Angelina Jolie, en þetta segir maður sem var lífvörður leikarans.

Leikkonan Angelina Jolie sótti um skilnað frá Brad Pitt þann 19. september og höfðu þau verið saman síðan árið 2004. Þau giftu sig í ágúst 2014 og er með sanni hægt að segja að þetta hafi verið eitt allra frægasta par heims í dag. Brad Pitt er 52 ára en Angelina Jolie er 41 árs.

Brad Pitt og leikkonan Jennifer Anston voru gift frá árinu 2000-2005. Ástarsamband þeirra hófst árið 1998. Pitt kynntist aftur á móti Angelina Jolie árið 2004 þegar þau léku saman í Mr. and Mrs. Smith. Þá mun ástarsamband þeirra hafa hafist og varð Aniston eðlilega ekki sátt með þau málalok.

„Brad Pitt og Jennifer Aniston voru hundrað prósent hamingjusöm áður en hann kynntist Angelina Jolie,“ segir Kris Herzog, fyrrum lífvörður Pitt, við erlenda miðla.

„Ég hef aldrei heyrt um að þau hafi rifist eða það hafi verið eitthvað um framhjáhald í þeirra sambandi,“ segir Herzog og bætir því að við að Aniston hafi verið yfirsig ástfanginn af Pitt á sínum tíma.

„Hún horfði ekki á aðra karlmenn. Hún hefði tileinkað lífi sínu sambandinu og honum.“