Frábær varnarleikur skilaði Nice í úrslit | Fimm íslensk mörk

Karen Knútsdóttir, Arna Sif Pálsdóttir og stöllur þeirra í franska handboltaliðinu Nice eru komnar í úrslit deildabikarsins þar í landi eftir níu marka sigur, 20-11, á Issy Paris í undanúrslitunum í kvöld.

Eins og tölurnar gefa til kynna var varnarleikur Nice í leiknum magnaður en liðið fékk aðeins á sig fjögur mörk í seinni hálfleik og 11 alls. Þess má geta að Issy hefur tapað í úrslitaeinvígi um franska meistaratitilinn síðustu tvö ár.

Karen skoraði þrjú mörk úr sjö skotum og Arna Sif var með tvö mörk úr þremur skotum.

Það kemur svo í ljós seinna í kvöld Nice mætir Fleury eða Metz í úrslitaleiknum á morgun.