Eigendur úreltra Strætómiða geta sent þá í pósti í skiptum fyrir nýja

„Þú tapar ekki miðanum 1. apríl,“ segir hann. „En þú getur bara ekki notað þá í vagninn,“ segir Jóhannes Svavar Rúnarsson, framkvæmdastjóri Strætó, um þann stutta tíma sem gamlir strætómiðar halda gildi sínu.

1. apríl næstkomandi verða núverandi farmiðar í Strætó ógildir en nýir miðar hafa verið teknir í notkun. Lengri tími mun gefast til að skipta út gömlum miðum fyrir nýja.

Fyrirtækið hefur verið gagnrýnt mjög fyrir þetta fyrirkomulag en í morgun birtist tilkynning á Facebook-síðu fyrirtækisins þar sem fram kemur að hægt verði að skipta út gömlu miðunum fyrir nýja á sölustað Strætó í Mjódd. 

„Ég bý á Akureyri og ný búin að kaupa nokkur kort af miðum, verð ég að fara suður í Mjódd til að skipta þeim eða get ég notað þá þegar ég fer suður næst sem verður í haust ?“ spyr einn viðskiptavinur til að mynda á Facebook-síðu Strætó.

Jóhannes segir að fólki gefist kostur á að senda þeim miðana í pósti og fá nýja senda í staðin hafi það ekki kost á því að mæta í Mjóddina.

„Það er alveg hægt að nota þá leið og þó að það sé ekki hægt að nota þá eftir einhvern ákveðinn tíma þá verður hægt að skipta þeim út í miklu lengri tíma,“ segir hann. „Við erum ekki á þessum stutta tíma að taka af fólkinu þessa peninga.“

Nýtt útlit á Strætómiðum!Út frá nýrri gjaldskrá sem tók í gildi 1. mars fá farmiðar fullorðinna breytt útlit. Frá 1....

Posted by Strætó on Monday, March 14, 2016