Össur át á sig gat og Eva fræddi börn um aflandsfélög

Það eru ekki nema 12 dagar til kosninga og flokkarnir eru á yfirsnúningi við að reyna að afla sér og stefnu sinni fylgi. Samfylkingin fór ekki varhluta af því á föstudaginn eins og fylgjendur stod2frettir á Snapchat fengu að kynnast.

Þau Eva Baldursdóttir og Össur Skarphéðinsson leyfðu áhorfendum að skyggnast á bakvið tjöldin í baráttunni en föstudagurinn þeirra einkenndist af Kjallaraborgunum, fjölmiðlaáreiti og grunlausum Kringlurottum.

Ævintýri Samfylkingarinnar má sjá í spilaranum hér að ofan.

Á næstu dögum og vikum munu fulltrúar annarra flokka sjá um snappið og til þess að fylgjast með því sem á daga þeirra drífur þarf einfaldlega að bæta við stod2frettir á Snapchat. Þá getur fólk einnig bætt reikningunum við með því að kveikja á Snapchat og beina myndavélinni að gula merkinu hér að neðan.