Standa fyrir skemmtikvöldi á Tivoli

Á morgun stendur Ungmennaráð UN Women á Íslandi fyrir frábæru skemmtikvöldi á Tivoli Bar.

Kvöldið byrjar með uppistandi frá hinum eina sanna Ara Eldjárn sem sér til þess að allir kastist til af hlátri og síðan tekur enginn annar er Björn Teitsson við og sér um magnað Pub-Quiz eins og honum einum er lagið.

Það kostar ekkert inn og boðið verður upp á tilboð á barnum. Einnig verður til sölu glænýr söluvarningur frá ungmennaráðinu. Húsið opnar kl. 20 og dagskráin stundvíslega kl. 20.30.