Hringdi á lögregluna vegna manns sem neitaði að hætta að blístra Closing time

Kona í Bandaríkjunum hringdi í lögregluna eftir að karlmaður neitaði að hætta að blístra lagið Closing Time með bandarísku hljómsveitinni Semisonic. Lögreglan í borginni Forest Grove í Oregon-fylki segir konuna hafa beðið manninn um að þegja þegar maðurinn krafðist þess að fá að blístra lagið nærri heimreið konunnar síðastliðinn laugardag.

Þegar lögreglan kom á vettvang hafði maðurinn yfirgefið svæðið en þegar lögreglan hafði upp á honum var hann en blístrandi lagið.

Sagðist maðurinn hafa orðið svekktur þegar honum var sagt að þegja og þess vegna krafist þess að fá að blístra lagið áfram. Lögreglan ákvað því að láta málinu lokið en minntist á það í skýrslu sinni að maðurinn hóf að blístra lagið á ný þegar hann kvaddi lögregluna.