Lýsir yfir óvissustigi vegna snjóflóðahættu á norðanverðum Vestfjörðum

Almannavarnadeild ríkislögreglustjóra hefur lýst yfir yfir óvissustigi vegna snjóflóðahættu á norðanverðum Vestfjörðum.

Veðurstofan spáir norðaustanhvassviðri og snjókomu í nótt og versnandi veðri. „Þegar líður á morgundaginn dreifir hvöss norðanáttin úr sér um N-vert landið með snjókomu, jafnvel talsverðri um tíma, og má því búast við varasömu ferðaveðri á þessum slóðum,“ segir á vef Veðurstofunnar.

Almannavarnadeildin segir að ekki sé þó talin hætta í byggð að svo stöddu. „Fylgst verður með aðstæðum í nótt. Reiknað er með því að veðrið gangi niður á sunnudag.“

Lýst hefur verið yfir óvissustigi vegna snjóflóðahættu á norðanverðum VestjförðumAf vef Veðurstofunnar:Óvissustigi...

Posted by Almannavarnadeild ríkislögreglustjóra on Friday, 19 February 2016