Ólafur Ragnar um fráfall Guðrúnar Katrínar: „Glíman milli vonbrigða og vonar tætti okkur upp“

„Þetta var náttúrulega gríðarlegt áfall,“ segir Ólafur Ragnar Grímsson, forseti Íslands, um fráfall fyrri eiginkonu sinnar, Guðrúnar Katrínar Þorbergsdóttur, af völdum hvítblæðis árið 1998. Ólafur Ragnar fór yfir tuttugu ára veru sína í embætti í viðtali á Sprengisandi á Bylgjunni í morgun.

„Hvítblæði er sjúkdómur af því tagi að það er alltaf einhver von að þú læknist kannski,“ segir Ólafur Ragnar. „Ólíkt öðrum sjúkdómum þar sem læknar geta kannski sagt: Þú átt sex mánuði eftir. Þannið að þegar Guðrún Katrín greindist og þar til hún lést, þá var alltaf von. Öll sú atburðarás, þessi glíma milli vonbrigða og vonar, hún tætti okkur líka upp.“

Ólafur Ragnar segir það hafa tekið hann mörg ár að ná sér eftir andlát Guðrúnar Katrínar. Glíman hans við sorgina hafi haft áhrif á forsetaembættið sjálft.

Innslagið í heild sinni má heyra í spilaranum hér að neðan.