Gerðu loftárás á bílalest fulla af hjálpargögnum skammt frá Aleppó

Sýrlenskar eða rússneskar herflugvélar gerðu í kvöld loftárás á bílalest skammt frá Aleppó í Sýrlandi en bílalestin var full af hjálpargögnum fyrir svæði skammt frá borginni þar sem uppreisnarmenn ráða ríkjum. Fyrr í dag var greint frá því að vopnahléinu í Sýrlandi væri lokið en stjórnarherinn tilkynnti um lok þess þar sem hann segir uppreisnarhópa ekki hafa staðið við skilmála hlésins.

Í frétt AP af loftárásinni í kvöld er haft eftir fulltrúa Rauða hálfmánans í Sýrlandi að bílalestin með hjálpargögnunum hafi verið á þeirra vegum í samstarfi við Sameinuðu þjóðirnar en lestin var á leiðinni frá þeim hluta Aleppó sem er á valdi stjórnarhersins og eins og áður inn á svæði sem er á valdi uppreisnarhópa.

Samkvæmt Reuters eru nokkrir alvarlega slasaðir eftir loftárásina en fyrr í dag sögðu Sameinuðu þjóðirnar að neyðargögn fyrir 78 þúsund manns, meðal annars hveiti og lyf, en ekki liggur fyrir hvort bílalestin sem varð fyrir loftárás í kvöld sé sú bílalest. Sameinuðu þjóðirnar hafa ekki tjáð sig um árásina að öðru leyti en því að verið sé að leita staðfestingar á henni.

Burning #UN aid convoy trucks after #Russia/Assad airstrikes in western #Aleppo today. #Syria

MT @markito0171pic.twitter.com/9vDRIukO4y

— Silver Surfer (@RobPulseNews) September 19, 2016