Bein útsending: „Læti Lalalalalæti“ þegar Valdimar tekst á við kílómetrana tíu

20. ágúst 2016 09:00

Valdimar Guðmundsson er í heljarinnar átaki sem hefur vakið landsathygli. Hann er klár í slaginn. Mynd af Facebook-síðu Valdimars

Söngvarinn Valdimar Guðmundsson er andlit Reykjavíkurmaraþonsins í ár en kappinn ætlar að fara tíu kílómetra í ár. Valdimar styrkir Krabbameinsfélagi Íslands en hann hefur æft af kappi undanfarnar vikur.

Björn Berg Gunnarsson, fræðslustjóri Íslandsbanka, ætlar að fylgja Valdimar eftir hvert fótmál kílómetrana tíu og verður hægt að fylgjast með útsendingunni í beinni útsendingu hér að neðan. Íslandsbanki er aðalstyrktaraðili hlaupsins.

Fyrir þá sem af einhverjum ástæðum sjá ekki útsendinguna hér að ofan má finna hana á Facebook síðu Íslandsbanka.

Fróðlegt verður að sjá hvernig gengur hjá Valdimari en babb kom í bátinn í vikunni þegar hann meiddist í baki. Hann sagðist þó í gær reikna með því að verða orðinn góður í dag.

Fyrirsögnin er vísun í eitt vinsælasta lag Valdimars, Yfirgefinn, sem má hlusta á hér að neðan.

Tengdar fréttir

„Ég er matarfíkill með offitusýki“

Valdimar Guðmundsson tónlistarmaður hefur unnið þrekvirki á nokkrum vikum og losað sig við 50 kíló af fitumassa.

21. júlí 2016 14:53

Hlustaðu á tónlistina sem Valdimar er með í ræktinni

Söngvarinn Valdimar Guðmundsson er maraþonmaður Íslandsbanka þetta árið og ætlar hann sér að fara tíu kílómetra í hlaupinu um þarnæstu helgi.

10. ágúst 2016 12:30

Valdimar fór hálfa leið upp Esjuna með eðal „krúi“

"Eðal krú sem fór með mér hálfa leið upp að Steini,“ segir söngvarinn Valdimar Guðmundsson, sem er maraþonmaður Íslandsbanka þetta árið og ætlar hann sér að fara tíu kílómetra í hlaupinu.

9. ágúst 2016 12:30