Að viðurkenna ekki foreldrafirringu er afneitun réttlætis

Foreldrafirring er mjög alvarlegt fyrirbæri þar sem unglingar og eða börn eru með skipulögðum hætti heilaþvegin með mannskemmandi umtali, lygum og hreinum rógburði um hitt foreldrið og aðstandendur þess, svo að varnarlaust ungviðið fer smám saman að hafna öllu og öllum og jafnvel hata, algerlega að ósekju, það foreldri sem haldið er úti í kuldanum svo og alla tilheyrendur þess foreldris, án þess að nokkrum vörnum verði við komið. Þannig, með lotulausum lygum og rógburði, nær foreldrið tangarhaldi á varnarlausu ungviðinu, sem þar með verður fyrir mjög svo alvarlegum tilfinningalegum og sálrænum skaða, ofbeldi sem getur haft hinar alvarlegustu afleiðingar fyrir alla framtíð ungviðisins, sálrænar sem geðrænar, ekki síður en kynferðisbrot.

Jafnvel þótt nákvæm skilgreining á heilkenni foreldrafirringar sé enn ekki prentuð orðrétt í læknisfræðilegri handbókargreiningu og í tölfræði varðandi geðraskanir, þá eru mörg lönd og dómstólar fullkomlega samþykk hugtakinu vegna þess að þessi læknisfræðilega handbók viðurkennir greinilega hugmyndafræðina um andlegt ofbeldi á barni frá foreldri eða frá nánum fjölskyldumeðlimi. Svo fleiri og fleiri lönd, þar á meðal Evrópski mannréttindadómstóllinn, fordæma greinilega foreldrafirringu.

Til dæmis, í Frakklandi, í september 2015, foreldri sem hegðaði sér þannig, var dæmt í fimm mánaða fangelsi og eftirlit, einnig til meðferðar geðlæknis?…

Í ágúst 2010, staðfesti forseti Brasilíu ný lög gegn foreldrafirringu. Þessi lög eiga að dæma foreldra sem brjóta umgengnisrétt og samskiptarétt, baktala eða tala illa um foreldra og heilaþvo börn.

En á Íslandi er jafnvel brot á umgengnisrétti ekki einu sinni talið vera glæpur…!

Jafnvel stöðumælabrot er litið alvarlegri augum en umgengnisbrot! Foreldrafirring á Íslandi er eitthvað sem yfirvöld loka augunum fyrir. Málið er tabú?…!

Úrelt barnalög

Barnalög, sem taka ekkert tillit til velferðar og hagsmuna barns ef um deilur eða hatursfullan skilnað foreldra er að ræða (án þess að fara út í það augljósa, mismuninn á jafnrétti móður og föður), eru algerlega úrelt. Barnalög taka ekki mið af því hversu börn geta verið mikið niðurbrotin eftir að hafa verið heilaþvegin, kúguð og þvinguð til þess að ljúga vegna spillts og ills innrætis foreldris. Þegar íslensk yfirvöld veita blindandi spilltu foreldri forræði yfir barni þá verða þau sjálfkrafa vitorðsmenn spillta foreldrisins vegna þess að þau láta forræðisforeldrið fá öll yfirráðin og þar af leiðandi getur foreldrið stjórnað barninu algjörlega, jafnvel til að slíta sambandinu við hitt foreldrið og alla fjölskyldu þess. Þar af leiðandi loka þau vísvitandi augum fyrir því að þau brjóta grundvallarrétt á fjölskyldu (8. gr. Mannréttindasáttmála Evrópu).

Ellefta árið í röð, þann 25. apríl, verður haldinn alþjóðlegi dagurinn gegn foreldrafirringu, tækifæri fjölmargra með mótmælum og atburðum til að auka vitund og miðla um þessa plágu.

Og hvað er í gangi um foreldrafirringu á Íslandi í dag?

Hvað verður gert á Íslandi þann 25. apríl fyrir alþjóðlega daginn gegn foreldrafirringu? Er Ísland ekki hluti af alheiminum?