Götulokanir og dagskrá á 17. júní í Reykjavík

Götulokanir í miðbænum á Þjóðhátíðardegi okkar Íslendinga verða minni en undanfarin ár og einskorðast við nágrenni Austurvallar fyrir hádegi en nágrenni Tjarnarinnar síðdegis. Upplýsingagjöf í tengslum við hátíðina er með besta móti en finna má allar helstu upplýsingar á 17juni.is.

Morgunlokanir verða á milli 9 og 12 í kringum Austurvöll vegna árlegrar morgunathafnar þar sem fjallkonan kemur fram meðal annarra. Göturnar Skólabrú, Kirkjustræti og Templarasund verða lokaðar. Um kl. 12 fer skrúðganga um Kirkjustræti og Suðurgötu í Hólavallakirkjugarð.

Frá hádegi taka við víðtækari götulokanir.

Þá er götum í kringum Tjörnina í miðbæ Reykjavíkur lokað vegna fjölskyldudagskrár á tjarnarsvæðinu. Nokkrar götur verða alveg lokaðar, en það eru Fríkirkjuvegur, Sóleyjargata, Bjarkargata, Tjarnargata og Skothúsvegur. Þá verða nokkrar götur lokaðar að hluta en Skálholtsstígur verður lokaður fyrir neðan Laufásveg. Bragagata lokuð fyrir neðan Fjólugötu og Fjólugata lokuð norðan við Bragagötu. 

„Kl. 12-13:30 geta orðið truflanir á umferð á Laugavegi og í Lækjargötu vegna skrúðgangna og aksturs fornbíla,“ segir á upplýsingasíðu 17. júní.

„Skipulagt hátíðarsvæði er Kvosin þar á meðal Austurvöllur, Kirkjustræti, Templarasund og Tjarnargarðar  Umferð er takmörkuð um þessi svæði og torgsala er óheimil án leyfis. Umsjón með dagskrá þjóðhátíðar í Reykjavík hefur þjóðhátíðarnefnd á vegum Íþrótta- og tómstundaráðs Reykjavíkur en Hitt Húsið sér um framkvæmdina,“ segir jafnframt.

Hefðbundin dagskrá

 

Uppfært 14.40: Í fyrri útgáfu fréttarinnar kom fram að götulokanir væru með sambærilegum hætti og undanfarin ár. Hið rétta er að þær eru minni í ár en áður. Beðist er velvirðingar á þessu.