Unnu úr 263.000 tonnum

Fiskimjölsverksmiðjurnar þrjár sem Síldarvinnslan á og rekur í Neskaupstað, á Seyðisfirði og í Helguvík tóku á síðasta ári á móti rúmlega 263 þúsund tonnum af hráefni. Í sömu röð unnu verksmiðjurnar úr 145.911 tonnum; 73.928 tonnum og 43.656 tonnum. Á árinu 2014 tók verksmiðjan í Neskaupstað á móti 110.215 tonnum af hráefni, verksmiðjan á Seyðisfirði 24.283 tonnum og verksmiðjan í Helguvík 27.273 tonnum.

Á árinu 2014 var móttekið hráefni þeirra því tæplega 162 þúsund tonn. Helsta ástæða aukningarinnar er sú að loðnuveiðin var mun meiri árið 2015 en 2014. Framleiðsla verksmiðjanna þriggja á mjöli og lýsi nam 52.294 tonnum af mjöli og 14.619 tonnum af lýsi.