Hjartnæmt myndband: Tilfinningarnar báru Aron ofurliði þegar hann fékk að vita af EM-ferðinni

„Ertu að fara að sjá Ronaldo spila?“ spurði Sonja Rut Aðalsteinsdóttir son sinn Aron sem er mættur til Frakklands til að sjá hetjuna sína Cristiano Ronaldo spila á móti landsliði Íslands á EM í Frakklandi.

Foreldrar Arons komu honum í opna skjöldu eins og sjá má á myndbandinu að neðan en Aron er greinilega mikill knattpsyrnuáhugamaður. Segja má að tilfinningarnar beri okkar mann hreinlega ofurliði og ljóst að íslenska landsliðið, og Ronaldo, verða með dyggan stuðningsmann á pöllunum á Stade Geoffroy-Guichard í kvöld. 

Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur áFacebook,Twitterog Snapchat (sport365).