Úrvalsvísitalan lækkað um 7,8 prósent á árinu

Það sem af er ári hefur Úrvalsvísitalan lækkað um 7,8 prósent og stendur nú á sama stað og um miðjan október 2015.

Hlutabréf í Kauphöllinni lækkuðu verulega í gærmorgun og lækkaði úrvalsvísitalan í kjölfarið. Hún fór þó að taka við sér er leið á daginn, og hækkaði um 0,19 prósent yfir daginn og mældist 1.732,89 stig í dagslok.

Verulegar lækkanir urðu hins vegar fyrir helgi á fimmtudag og föstudag. Vísitalan hefur lækkað um 7,84 prósent frá 30. desember þegar hún mældist 1.880,3893 stig.

Úrvalsvísitalan hækkaði verulega í fyrra, eða um 43 prósent yfir árið.

„Ég reikna með að þetta séu svipaðir þættir og hafa verið að hafa áhrif á hlutabréfaverð erlendis, áhyggjur af efnahagshorfum almennt. Ég held að það sé svona mjög líklega meginskýringin,“ segir Páll Harðarson forstjóri Kauphallarinnar.

Páll segir lækkunina mjög áþekka lækkun á Nasdaq-mörkuðum á Norðurlöndunum.

„Þetta er lækkun í meira lagi en gengur og gerist,“ segir hann