Erfitt að fá bóluefni

Sóttvarnalæknir keypti 65 þúsund skammta af inflúensubóluefni sem kláruðust snemma í haust eftir að inflúensan gerði óvænt vart við sig í september. Embætti landlæknis segir erfiðlega hafa gengið að fá meira bóluefni en tryggðir hafa verið fimm þúsund skammtar frá Finnlandi, sem verði dreift til heilsugæslunnar og verði áhættuhópar hafðir í forgangi við bólusetningu.

Eftir að inflúensa var staðfest hjá 12 einstaklingum í september síðastliðnum hefur hún nú greinst aftur hjá tveimur einstaklingum í vikunni. Á vef Landlæknis segir að ekki sjáist merki um útbreiðslu inflúensunnar í samfélaginu um þessar mundir því tiltölulega fáir einstaklingar hafi greinst með inflúensulík einkenni í heilsugæslunni.

Fréttin birtist fyrst í Fréttablaðinu.