Leyfi til eldis kært

Landssamband veiðifélaga hefur kært starfsleyfi Háafells ehf. um framleiðslu tæplega sjö þúsund tonna af regnbogasilungi við innanvert Ísafjarðardjúp. Kæran hefur verið send úrskurðarnefnd umhverfis- og auðlindamála.

Í kærunni er bent á að sjókvíar fyrirtækisins séu vel innan 15 kílómetra frá ósum laxveiðiáa með yfir 500 laxa meðalveiði á ári. Reglugerð tekur á slíkum þáttum.

Umhverfisstofnun telur að veiðin í ánum sé alls ekki yfir fimm hundruð fiskum á ári. Stofnunin telur ekki þá laxfiska sem veiðimenn slepptu heldur aðeins þann afla sem drepinn var. Landssamband veiðifélaga harmar þessa túlkun Umhverfisstofnunar.

Fréttin birtist fyrst í Fréttablaðinu.