Grunur um íkveikju hjá Hringrás

Grunur leikur á að kveikt hafi verið í á athafnasvæði Hringrásar við Klettagarða í Reykjavík á þriðjudagskvöld. Kviknað hafði í málmhrúgu á lóð fyrirtækisins og þykir mikil mildi að ekki hafi farið verr, en allt tiltækt lið slökkviliðsins var kallað út vegna eldsvoðans.

Lögreglan á höfuðborgarsvæðinu hefur sent frá sér tilkynningu vegna málsins þar sem óskað er eftir upplýsingum um málið. Þeir sem telja sig hafa vitneskju um eldsvoðann eru beðnir um að hafa samband í síma 444-1000, eða að senda tölvupóst á netfangið gunnar.bachmann@lrh.is. Þá er einnig hægt að senda lögreglunni einkaskilaboð á Facebook.