Körfubolti

Jakob skilaði sínu í mikilvægum sigri Borås

Ingvi Þór Sæmundsson skrifar
Jakob og félagar eru í 4. sæti sænsku deildarinnar.
Jakob og félagar eru í 4. sæti sænsku deildarinnar. vísir/valli
Jakob Örn Sigurðarson og félagar hans í sænska körfuboltaliðinu Borås Basket unnu sjö stiga sigur, 87-94, á Umeå í kvöld.

Þetta var mikilvægur sigur fyrir Borås sem var búið að tapa þremur af síðustu fjórum leikjum sínum.

Jakob, sem er fyrirliði Borås, skilaði níu stigum og fimm fráköstum á 22 mínútum.

Jakob hitti úr báðum skotum sínum inni í teig og einu af þremur þriggja stiga skotum sem hann reyndi í leiknum. Þá nýtti hann bæði vítin sín.

Borås er í 4. sæti sænsku deildarinnar með tíu stig eftir níu leiki.

Körfubolti

Mest lesið


Fleiri fréttir

Sjá meira


×

Mest lesið