Sjáðu til­þrif Berglindar úr úr­slita­leiknum: Skoraði 46 meira en næsti leik­maður á EM

Ísland mætti heimaliði Grikklands í úrslitaleik um sæti í A-deild í gær. Grikkir höfðu betur, 75-72, þrátt fyrir frábæran endasprett Íslendinga.

Berglind skoraði 34 stig í úrslitaleiknum, tók níu fráköst, gaf tvær stoðsendingar, varði tvö skot og skilaði 26 framlagsstigum. Helstu tilþrif hennar úr úrslitaleiknum má sjá hér fyrir neðan.

Berglind skoraði yfir þrjátíu stig í öllum leikjum Íslands á EM, eða 32,3 stig að meðaltali í leik.

Alls skoraði hún 129 stig á EM, 46 stigum meira en næsti leikmaður á blaði, hin danska Mille Boje Sorensen. Hún skoraði 83 stig, eða 20,8 stig að meðaltali í leik.

Auk þess að skora 32,3 stig að meðaltali í leikjunum fjórum á EM skilaði Berglind 8,8 fráköstum, 4,3 stoðsendingum, 4,0 stolnum boltum, 2,8 vörðum skotum og 30,5 framlagsstigum.

Berglind var ekki bara stigahæsti leikmaður mótsins heldur var hún sú sem varði flest skot á EM og skilaði flestum framlagsstigum.

Eftir úrslitaleikinn í gær fékk Berglind Gullboltann sem er veittur besta leikmanni EM.

Berglind var einnig í hópi stigahæstu leikmanna á EM U-20 ára fyrr í sumar, þrátt fyrir að vera að spila fjögur ár upp fyrir sig.

Í Bónus deildinni á síðasta tímabili skoraði Berglind 12,6 stig að meðaltali í leik fyrir Stjörnuna, tók 5,1 frákast og gaf 2,6 stoðsendingar.