Barn og kona köstuðust úr bíl í veltu

Lögreglunni á Suðurlandi barst í kvöld tilkynning um bílveltu á Suðurlandsvegi nærri Vík í Mýrdal. Þar hafði erlent par verið á verð ásamt ungu barni. Svo virðist sem að konan og barnið hafi kastast út úr bílnum í veltunni. Konan var talin alvarlega slösuð og flutt með þyrlu Landhelgisgæslunnar á bráðamóttökuna í Fossvogi.

Maðurinn og barnið hlutu minni meiðsl og voru flutt með sjúkrabílum.

Samkvæmt lögreglunni á Suðurlandi eru tildrög slyssins enn ókunn og er unnið að rannsókn.