Auðunn Blöndal selur íbúðina á Arnarnesinu

Sjónvarps- og útvarpsmaðurinn landsþekkti Auðunn Blöndal hefur sett glæsilega íbúð sína á Arnarnesinu á sölu. Íbúðin er 167 fermetrar og í henni eru þrjú svefnherbergi, sem og sér fataherbergi. Um er að ræða neðri hæð með sérinngangi.

Auddi hefur komið sér fyrir á besta stað á Arnarnesinu en garðurinn er veðursæll sólríkur með verönd og útigeymslu. Þá er stórt þvottahús inni í íbúðinni með plássi fyrir bæði þvottavél og þurrkara. 

Auðunn hefur verið ein skærasta stjarna fjölmiðlaheimsins hér á landi síðan upp úr aldamótum og ljóst er að farið hefur vel um hann í þessari björtu íbúð í Garðabænum.

Hér að neðan má sjá myndir úr íbúðinni.