Skreyta kökubotna með bundið fyrir augun

Um helgina er hin árlega bókamessa útgefanda haldin í Hörpu. Forlagi Salka verður á staðnum og stendur fyrir blindandi kökuskreytingum klukkan þrjú á morgun.

Meistarakokkurinn Hrefna Rósa Sætran mun etja kappi við Rakel Garðarsdóttir, athafnakonu, undir tryggri handleiðslu Evu Laufeyjar Kjaran Hermannsdóttur. Þær koma til með að skreyta kökubotna með bundið fyrir augun og dæma áhorfendur hvor kakan er girnilegri eftir að þær hafa spreytt sig.

Búast má við æsispennandi keppni því þær stöllur Hrefna og Rakel eru miklar keppnismanneskjur og verður forvitnilegt að vita hvort meistarakokkurinn Hrefna komi til með að rúlla Rakel upp.