Jónsi vinnur að popptónlist með söngvara OneRepublic

Jónsi í Sigur Rós er sagður vera að vinna að nýrri tónlist með aðalmanni bandarísku sveitarinnar OneRepublic, Ryan Tedder.

Tedder greinir frá þessu í viðtali við vef Concequenceofsound þar sem hann rifjar upp nýlega ferð sína til Íslands og segir Jónsa vilja semja popptónlist.

„Ég fékk nokkur lög frá honum í tölvupósti sem ég ætla að reyna að breyta í popplög,“ er haft eftir Tedder sem sjálfur hefur samið lög fyrir tónlistarmenn á borð við Beyoncé og Taylor Swift ásamt írsku sveitinni U2.

Á nýjustu OneRepublic, Oh My My, má heyra Romy Madley Croft, úr xx, leika á gítar í laginu Fingertips.