NFL hugsar um þarfir litblindra í ár

Litblindir brjáluðust er leikur í NFL-deildinni í fyrra fór fram á milli liða í grænum og rauðum búningum.

Þessi litasamsetning gerði það að verkum að stór hluti áhorfenda sá bara grátt. Litirnir runnu saman í gráa litinn og litblindir sáu engan mun á búningum liðanna.

Í fyrra byrjaði NFL-deildin með nýja búninga í fimmtudagsleikjunum sínum. Ólíkt því sem venjulega er þá eru bæði buxur og treyja í sama lit.

Leikurinn sem gerði litblinda brjálaða í fyrra var á milli New York Jets og Buffalo Bills. Liðin mætast aftur í fimmtudagsleik á morgun og menn hafa ekki gleymt látunum í fyrra.

Jets verður nefnilega ekki í grænu heldur í hvítu. Litblindir ættu því að þekkja liðin í sundur að þessu sinni.

Colorblind fans, rejoice! #ColorRush

— Buffalo Bills (@buffalobills) September 13, 2016