Rafmagnslaust í Vestmannaeyjum í stutta stund

Rafmagnslaust var í Vestmannaeyjum í skamma stund nú á áttunda tímanum eftir að aðalrofi brann yfir. Búið er að laga það sem klikkaði og því ætti ekkert að vera því til fyrirstöðu að skemmtidagskrá geti farið fram í Herjólfsdal í kvöld.

Sem stendur er íbúafjöldi í Heimaey öllu meiri en vanalega þar sem þjóðhátíð þeirra fer fram venju samkvæmt um verslunarmannahelgi. Þúsundir sækja Heimaey heim og munu skemmta sér um helgina.

Blíðskaparveður hefur verið á þessum slóðum síðustu daga en heimamenn segja að þeir muni ekki eftir öðru eins veðri á þjóðhátíð.