Prímusmótor-kona í tveimur hlutverkum

Ég er „showrunner“ í þáttunum en fékk þetta óvænta hlutverk í hendurnar í gærmorgun. Þetta er uppáhald hjá Jóni; séra Bettý Johnson sem drífur áfram safnaðarstarf aldraðra í hverfinu og er svona prímusmótor-kona. Hún er voða amerísk – með bleikan varalit og krullur, sem er voða skemmtilegt og ólíkt mér.“

Hvernig kom það til að þú varst fengin í hlutverkið og er það stórt?

„Mér var hent inn í þetta hlutverk, borgarstjórinn er að hrósa mér í ræðu og ég segi ekki orð, engar línur. Þetta er pínulítið hlutverk. Jóni finnst þetta svo geggjað að hann póstaði mynd. Þetta gerði alveg daginn fyrir hann. Honum fannst mjög skemmtilegt að geta hent mér inn á síðustu stundu. Við vorum að leita að einhverri í hlutverkið en það var ekki alveg búið að vera að ganga. Þannig að á síðustu stundu var mér hent í það. Hann fékk þessa snilldarhugmynd um að það væri virkilega gaman að hafa mig í þessu hlutverki.“

Eru þetta þín fyrstu spor í leiklistinni?

„Ég var að leika sem krakki með Leikfélagi Kópavogs. Ég lék þar og seldi miða og seldi nammi. Mér fannst alltaf gaman að vera í miðjunni á sirkusnum, það er mitt uppáhald. Mér finnst nú skemmtilegra bak við tjöldin – ég er ekki aðalleikkonan.“

Er þetta þá ekki gamall draumur að rætast?

„Nei“ segir Jóga og hlær, „ég er búin að lifa þennan draum. Ég lifði hann með Leikfélagi Kópavogs og fór svo til New York og fór aðeins í leiklistarskóla þar sem ég bakkaði út úr – allir mínir draumar rætast, þessi er búinn. Bara gaman að taka smá þátt, vera sýnilegur, pínulítið. Í gamla daga var ég mjög sýnileg en í dag er ég búin með það. Ég er búin með þennan pakka.“

En hvernig ganga annars tökur hjá ykkur?

„Það gengur frábærlega – það er allt "on time", það er allt með okkur. Skemmtilegt samstarfsfólk, frábært handrit og veðrið og stemmingin frábær. Það eina leiðinlega er að fólk hefur verið að missa af fótboltanum, en við höfum verið dugleg að gera hlé. En þetta er algjörlega frábær pródúksjón, við erum búin að hlæja mikið og það verður gaman að deila þessu með fólki. Þetta er svolítið íslenskur veruleiki sem verður fínt að minna á kortér í kosningar.“