Innlent

Göngumaðurinn fundinn heill á húfi

Nanna Elísa Jakobsdóttir skrifar
Colin Smith fannst í kvöld eftir mikla leit.
Colin Smith fannst í kvöld eftir mikla leit. Vísir/Lögregla
Erlendi göngumaðurinn sem björgunarsveitir Slysavarnafélagsins Landsbjargar hafa leitað að síðan í dag er fundinn heill á húfi. Fannst hann á Suðurstrandarvegi en ekki er ljóst á þessari stundu á hvaða leið hann var. Þetta kemur fram í tilkynningu frá Landsbjörg.

Skyggni var ekki gott á svæðinu og lítið um vísbendingar. Því var leit hin erfiðasta. Mikil mildi þykir að maðurinn hafi fundist en hann varð viðskila við samferðamenn sína í gærkvöldi við Sveifluháls norðan Kleifarvatns. Samferðamenn mannsins tjölduðu við Djúpavatn á áberandi stað og vonuðu þau að hann myndi skila sér í morgun. Það gerði hann hins vegar ekki og fór umfangsmikil leit af stað eftir manninum síðdegis í dag.

„Alls tóku um 160 björgunarsveitarmenn þátt í leitinni en leitað var á fjórhjólum, jeppum, gangandi auk þess sem drónar voru nýttir. Verið var að bæta við björgunarsveitum frá Suðurlandi þegar maðurinn fannst til að leysa af hluta þeirra sem fyrir voru svo og til að bæta í leitina,“ segir í tilkynningu.

Tengdar fréttir

Mest lesið


Fleiri fréttir

Sjá meira


×

Mest lesið