Rakst á minkafjölskyldu við Reykjavíkurflugvöll

Hjólreiðamaður rakst á minkafjölskyldu á hjólreiðastígnum meðfram sjónum við Reykjavíkurflugvöll í morgun þegar hann var á leið til vinnu.

Edward Rickson náði fjölskyldunni á myndband og birti á Facebook-síðu sinni og hefur það skiljanlega vakið mikil viðbrögð, enda minkurinn af mörgum talinn mikill vágestur.

Edward segist áður hafa komið að villtum björnum, ljónum og krókodílum og því hafi honum ekki verið sérstaklega brugðið þegar hann hjólaði framhjá minkunum. Hafi hann oft séð mink í borginni en aldrei svo marga saman eða svo ung dýr.

Sjá má myndbandið að neðan.