Aron Einar Gunnarsson, Gylfi Þór Sigurðsson og Heimir Hallgrímsson nýttu allir atkvæðarétt sinn í forsetakosningunum og líst vel á nýjan forseta, Guðna Th. Jóhannesson. Þetta kom fram á blaðamannafundi hjá strákunum okkar í Nice í dag.
„Ég kaus, ég er ekkert að fara að gefa upp hvern en hann lítur vel út,“ sagði Aron Einar um Guðna. „Við erum ekkert að fara að ræða um það núna. Við erum hérna til að tala um fótbolta, það er það sem við erum að einbeita okkur að núna.“
Heimir bætti við að þeir hefðu allir þrír kosið, eða hann héldi það.
„Ég held að okkur lítist öllum vel á nýja forsetann.“
Guðni Th. Jóhannesson verður í stúkunni í Nice á morgun og sömuleiðis Ólafur Ragnar Grímsson, fráfarandi forseti.
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur áFacebook,Twitterog Snapchat (sport365).
„Ég held að okkur lítist öllum vel á nýja forsetann“
Tengd skjöl
Tengdar fréttir
Svona var blaðamannafundur strákanna okkar í Nice | Myndband
Okkar menn sitja fyrir svörum á blaðamannafundi íslenska landsliðsins í Nice.
Strákarnir byrjaðir að æfa vítaspyrnur
"Sumar voru góðar og aðrar ekki jafngóðar,“ sagði Lars Lagerbäck
