Framúrskarandi forseti Ásdís Ólafsdóttir skrifar 4. júní 2016 10:32 Ég kynntist Höllu Tómasdóttur, forsetaframbjóðanda, vorið 2002 þegar ég tók þátt í leiðtoganámskeiði á vegum verkefnisins Auður í krafti kvenna. Þar fengu stúlkur á aldrinum 13-16 ára að spreyta sig á að undirbúa stofnun eigin fyrirtækis og setja sig þannig í spor frumkvöðla. Ég var svo gagntekin af eigin hugmynd, að þegar Halla spurði hópinn minn hvernig við ætluðum að fjármagna fyrirtækið, var ég fljót að svara því til að það væri nú ekki mikið mál. Verkefnið væri svo byltingarkennt að vísindamenn myndu keppast við að gefa vinnu sína í þágu þess, vandamálið fælist frekar í því að velja úr þeirra hópi. Ég gleymi aldrei hvernig Halla leiðrétti þennan misskilning, því svona virkar heimurinn auðvitað ekki. Hún útskýrði fyrir okkur mismunandi fjármögnunarleiðir, mikilvægi vel ígrundaðrar fjárhagsáætlunar og þess að vera tilbúin með raunhæf svör. Halla hafði óbilandi trú á okkur, engar spurningar voru kjánalegar og hún kom fram við okkur eins og fullorðna jafningja. Hún gaf okkur sjálfstraust og trú á eigið innsæi og hugmyndir. Meirihluta starfsævi sinnar hefur Halla nefnilega unnið að menntamálum, jafnréttismálum og valdeflingu kvenna. Kynni hennar af íslenska fjármálakerfinu það tæpa ár sem hún var framkvæmdastjóri Viðskiptaráðs urðu til þess að hún ákvað á vormánuðum 2007 að stofna eigið fyrirtæki, Auði Capital, sem byggði á þeim gildum sem hún trúði á og fann að skorti svo mjög hér á landi á árunum fyrir hrun. Auður Capital stóð enda af sér efnahagserfiðleikana 2008 og er hvorki að finna í Rannsóknarskýrslunni né Panamaskjölunum. Halla er eftirsóttur fyrirlesari um allan heim og á ráðstefnunni Skoll World Forum í apríl síðastliðnum sagði hún að erfiðustu ákvarðanir sem hún hefði orðið að taka hefðu verið í starfi framkvæmdastjóra Viðskiptaráðs, þegar hún fann hvað ríkjandi gildismat viðskiptalífsins var andstætt hennar eigin. Styrkur Höllu felst ekki síst í að hlúa að nýjum verkefnum og hjálpa þeim að dafna. Hún kom að stofnun Háskólans í Reykjavík, var verkefnastjóri Auðar í Krafti Kvenna sem leiddi til 52 nýrra fyrirtækja á vegum kvenna, byggði upp sitt eigið fyrirtæki Auður Capital og síðar Sisters‘ Capital með erlendum samstarfskonum í Kaupmannahöfn. Það var magnað að fylgjast með Höllu þegar hún undirbjó og stýrði jafnréttisráðstefnunni WE í fyrra, þar sem bæði konur og karlar frá fjölmörgum löndum komu saman til að ræða um leiðir til að brúa kynjabilið í atvinnulífinu. Halla bendir réttilega á, að það þýði lítið að tala um jafnrétti kynjanna ef engir karlar taka þátt í umræðunum. Um þriðjungur þátttakenda í WE ráðstefnunni voru karlar – flestir í stjórnunarstöðum. Halla bendir ekki einungis á vandamálin, hún leggur allt undir til að leysa þau. Það eru forréttindi að hafa úr mörgum frambjóðendum til forsetaembættis að velja. Eðlilega eru þeir misvel þekktir, og þeir sem ekki eru þjóðþekktir hafa ekki enn fengið tækifæri til að kynna sig. Halla treystir ekki einvörðungu á hefðbundna miðla heldur hefur hún einnig nýtt samfélagsmiðla óspart. Hún er til dæmis með opið samtal á Facebook síðu sinni á hverjum þriðjudegi, þar sem allir geta haft samband við hana – eða sent inn spurningar þegar þeim hentar. Kjósendur þurfa ekki að gera upp hug sinn fyrr en í lok júní og því er nægur tími til þess að kynna sér frambjóðendurna betur. Ég hef heyrt því fleygt að Halla sé með framboðinu einungis að reyna að bæta við ferilskrána. Því fer fjarri. Halla er drifin áfram af einlægri ósk um að bæta samfélagið og telur sig geta gert gagn sem forseti. Ég er sannfærð um Halla yrði stórkostleg í því hlutverki. Forseti sem yrði sannur leiðtogi í þeim skilningi að hún myndi leiða saman ólík sjónarmið, ólíka hópa og einstaklinga í leit að framsæknum lausnum. Hún er jafnvíg á íslensku og ensku, vel menntuð og reynslumikil. Opin, einörð og heiðarleg. Að velja sér sinn frambjóðanda er vandaverk. Það er skiljanlegt að menn hafni frambjóðendum vegna fyrri starfa þeirra eða orðræðu. En það er óásættanlegt að gefa sér ekki örlítinn tíma til að kynna sér þá sem gefa kost á sér til að stýra þessu landi. Þess vegna bið ég hvern og einn að gefa sér nokkrar mínútur til að kynna sér Höllu sem frambjóðanda. Sjónvarpsviðtöl við hana má finna hér og hér. Blaðaviðtöl hér og hér og útvarpsviðtöl hér og hér. Halla er sem fyrr segir í beinni línu hvern þriðjudag á Facebook síðu sinni. Viðtölin sýna vel hvers vegna við sem þekkjum Höllu og höfum fengið að njóta leiðsagnar hennar hvöttum hana til framboðs. Hvers vegna við treystum henni fremur en öðrum til þess að vinna með íslensku þjóðinni í að byggja hér upp traust og velvilja í garð annarra. Förum þangað.Höfundur er alþjóðafræðingur. Viltu birta grein á Vísi? Sendu okkur póst. Senda grein Mest lesið Til hamingju með daginn! Árni Guðmundsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Svar við bréfi Ingós: 3.233.700.000 krónur Runólfur Ágústsson Skoðun Núll prósent skynsemi Lára G. Sigurðardóttir Skoðun Að fórna hamingju fyrir verslunarfrelsi Gunnar Hersveinn Skoðun Birgir Þórarinsson er enn að Hjálmtýr Heiðdal Skoðun Ljúgandi málpípa Sjálfstæðisflokksins Tómas Kristjánsson Skoðun Hvers eiga Vestfirðingar að gjalda? Ingólfur Ásgeirsson Skoðun Skömm stjórnvalda - íslensk börn með erlendan bakgrunn Birna Gunnlaugsdóttir Skoðun Þegar kvíðinn tekur völdin Sóley Dröfn Davíðsdóttir Skoðun Skoðun Skoðun Til hamingju með daginn! Árni Guðmundsson skrifar Skoðun Vetur að vori - stuðningur eftir óveður Bjarkey Olsen Gunnarsdóttir skrifar Skoðun Skömm stjórnvalda - íslensk börn með erlendan bakgrunn Birna Gunnlaugsdóttir skrifar Skoðun Að fórna hamingju fyrir verslunarfrelsi Gunnar Hersveinn skrifar Skoðun Er þensla vegna íbúðauppbyggingar? Jónas Atli Gunnarsson skrifar Skoðun Birgir Þórarinsson er enn að Hjálmtýr Heiðdal skrifar Skoðun Viðurkennum þjóðarmorð á Armenum Eiríkur Rögnvaldsson skrifar Skoðun Þegar kvíðinn tekur völdin Sóley Dröfn Davíðsdóttir skrifar Skoðun Atvinnulífið og fíkniefnasalan Ólafur Kjartansson skrifar Skoðun Drasl Hafþór Reynisson skrifar Skoðun Er lýðræðinu viðbjargandi? Reynir Böðvarsson skrifar Skoðun Þegar forréttindafólk í valdastöðu skerðir mannréttindi jaðarsettra hópa Sema Erla Serdaroglu skrifar Skoðun Forsetapróf Auður Guðna Sigurðardóttir skrifar Skoðun Aukin sala áfengis ógnar grundvallarmarkmiðum lýðheilsu Aðalsteinn Gunnarsson skrifar Skoðun Svik VG í jafnréttismálum Jana Salóme Ingibjargar Jósepsdóttir skrifar Skoðun Spennandi tímar fyrir ungt fólk í Hafnarfirði Kristín Thoroddsen,Margrét Vala Marteinsdóttir skrifar Skoðun Ingólfur krítar liðugt Kristinn H. Gunnarsson skrifar Skoðun Fáu spáð en vel fylgst með Ari Trausti Guðmundsson skrifar Skoðun Armæða um íslenska tungu Hermann Stefánsson skrifar Skoðun Það eru lög í landinu Líneik Anna Sævarsdóttir skrifar Skoðun Svar við bréfi Ingós: 3.233.700.000 krónur Runólfur Ágústsson skrifar Skoðun Úr buffi í klút Gunnhildur Birna Gunnarsdóttir skrifar Skoðun Rétturinn til heilnæms umhverfis vs bæjaryfirvöld Hafnarfjarðar Björg Sveinsdóttir skrifar Skoðun Málsvari minksins Lárus Karl Arnbjarnarson skrifar Skoðun Skuldum við 17 þúsund íbúðir á höfuðborgarsvæðinu? Sigurður Stefánsson skrifar Skoðun Förum vel með byggingarvörur Eyþór Bjarki Sigurbjörnsson skrifar Skoðun Gerum betur Kristín B. Jónsdóttir skrifar Skoðun Á tæpustu tungu Eiríkur Örn Norðdahl skrifar Skoðun Aðför að ungmennum (Í minningu Hamarsins) Óskar Steinn Jónínuson Ómarsson skrifar Skoðun „Betur borgandi ferðamenn“ Bjarnheiður Hallsdóttir skrifar Sjá meira
Ég kynntist Höllu Tómasdóttur, forsetaframbjóðanda, vorið 2002 þegar ég tók þátt í leiðtoganámskeiði á vegum verkefnisins Auður í krafti kvenna. Þar fengu stúlkur á aldrinum 13-16 ára að spreyta sig á að undirbúa stofnun eigin fyrirtækis og setja sig þannig í spor frumkvöðla. Ég var svo gagntekin af eigin hugmynd, að þegar Halla spurði hópinn minn hvernig við ætluðum að fjármagna fyrirtækið, var ég fljót að svara því til að það væri nú ekki mikið mál. Verkefnið væri svo byltingarkennt að vísindamenn myndu keppast við að gefa vinnu sína í þágu þess, vandamálið fælist frekar í því að velja úr þeirra hópi. Ég gleymi aldrei hvernig Halla leiðrétti þennan misskilning, því svona virkar heimurinn auðvitað ekki. Hún útskýrði fyrir okkur mismunandi fjármögnunarleiðir, mikilvægi vel ígrundaðrar fjárhagsáætlunar og þess að vera tilbúin með raunhæf svör. Halla hafði óbilandi trú á okkur, engar spurningar voru kjánalegar og hún kom fram við okkur eins og fullorðna jafningja. Hún gaf okkur sjálfstraust og trú á eigið innsæi og hugmyndir. Meirihluta starfsævi sinnar hefur Halla nefnilega unnið að menntamálum, jafnréttismálum og valdeflingu kvenna. Kynni hennar af íslenska fjármálakerfinu það tæpa ár sem hún var framkvæmdastjóri Viðskiptaráðs urðu til þess að hún ákvað á vormánuðum 2007 að stofna eigið fyrirtæki, Auði Capital, sem byggði á þeim gildum sem hún trúði á og fann að skorti svo mjög hér á landi á árunum fyrir hrun. Auður Capital stóð enda af sér efnahagserfiðleikana 2008 og er hvorki að finna í Rannsóknarskýrslunni né Panamaskjölunum. Halla er eftirsóttur fyrirlesari um allan heim og á ráðstefnunni Skoll World Forum í apríl síðastliðnum sagði hún að erfiðustu ákvarðanir sem hún hefði orðið að taka hefðu verið í starfi framkvæmdastjóra Viðskiptaráðs, þegar hún fann hvað ríkjandi gildismat viðskiptalífsins var andstætt hennar eigin. Styrkur Höllu felst ekki síst í að hlúa að nýjum verkefnum og hjálpa þeim að dafna. Hún kom að stofnun Háskólans í Reykjavík, var verkefnastjóri Auðar í Krafti Kvenna sem leiddi til 52 nýrra fyrirtækja á vegum kvenna, byggði upp sitt eigið fyrirtæki Auður Capital og síðar Sisters‘ Capital með erlendum samstarfskonum í Kaupmannahöfn. Það var magnað að fylgjast með Höllu þegar hún undirbjó og stýrði jafnréttisráðstefnunni WE í fyrra, þar sem bæði konur og karlar frá fjölmörgum löndum komu saman til að ræða um leiðir til að brúa kynjabilið í atvinnulífinu. Halla bendir réttilega á, að það þýði lítið að tala um jafnrétti kynjanna ef engir karlar taka þátt í umræðunum. Um þriðjungur þátttakenda í WE ráðstefnunni voru karlar – flestir í stjórnunarstöðum. Halla bendir ekki einungis á vandamálin, hún leggur allt undir til að leysa þau. Það eru forréttindi að hafa úr mörgum frambjóðendum til forsetaembættis að velja. Eðlilega eru þeir misvel þekktir, og þeir sem ekki eru þjóðþekktir hafa ekki enn fengið tækifæri til að kynna sig. Halla treystir ekki einvörðungu á hefðbundna miðla heldur hefur hún einnig nýtt samfélagsmiðla óspart. Hún er til dæmis með opið samtal á Facebook síðu sinni á hverjum þriðjudegi, þar sem allir geta haft samband við hana – eða sent inn spurningar þegar þeim hentar. Kjósendur þurfa ekki að gera upp hug sinn fyrr en í lok júní og því er nægur tími til þess að kynna sér frambjóðendurna betur. Ég hef heyrt því fleygt að Halla sé með framboðinu einungis að reyna að bæta við ferilskrána. Því fer fjarri. Halla er drifin áfram af einlægri ósk um að bæta samfélagið og telur sig geta gert gagn sem forseti. Ég er sannfærð um Halla yrði stórkostleg í því hlutverki. Forseti sem yrði sannur leiðtogi í þeim skilningi að hún myndi leiða saman ólík sjónarmið, ólíka hópa og einstaklinga í leit að framsæknum lausnum. Hún er jafnvíg á íslensku og ensku, vel menntuð og reynslumikil. Opin, einörð og heiðarleg. Að velja sér sinn frambjóðanda er vandaverk. Það er skiljanlegt að menn hafni frambjóðendum vegna fyrri starfa þeirra eða orðræðu. En það er óásættanlegt að gefa sér ekki örlítinn tíma til að kynna sér þá sem gefa kost á sér til að stýra þessu landi. Þess vegna bið ég hvern og einn að gefa sér nokkrar mínútur til að kynna sér Höllu sem frambjóðanda. Sjónvarpsviðtöl við hana má finna hér og hér. Blaðaviðtöl hér og hér og útvarpsviðtöl hér og hér. Halla er sem fyrr segir í beinni línu hvern þriðjudag á Facebook síðu sinni. Viðtölin sýna vel hvers vegna við sem þekkjum Höllu og höfum fengið að njóta leiðsagnar hennar hvöttum hana til framboðs. Hvers vegna við treystum henni fremur en öðrum til þess að vinna með íslensku þjóðinni í að byggja hér upp traust og velvilja í garð annarra. Förum þangað.Höfundur er alþjóðafræðingur.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Þegar forréttindafólk í valdastöðu skerðir mannréttindi jaðarsettra hópa Sema Erla Serdaroglu skrifar
Skoðun Spennandi tímar fyrir ungt fólk í Hafnarfirði Kristín Thoroddsen,Margrét Vala Marteinsdóttir skrifar
Skoðun Rétturinn til heilnæms umhverfis vs bæjaryfirvöld Hafnarfjarðar Björg Sveinsdóttir skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun