Margir hlutu bónusvinninga en aðalvinningurinn ósnertur

Enginn var með allar tölur réttar þegar dregið var í íslenska lottóinu í kvöld.

Tveir lánsamir voru hins vegar nálægt því, með fjórar tölur réttar auk bónustölunnar, og fá fyrir vikið rúmlega 172.000 krónur. Miðarnir voru keyptir í N1 Stóragerði og verslun Kjarvals á Hellu.

Svipaða sögu er að segja af Jókernum. Enginn var með allar fimm tölurnar réttar en níu hittu hins vegar á fjórar réttar. Hver og einn þeirra hlýtur hundraðþúsund krónur að launum.

Vinningsmiðarnir í Jókernum voru keyptir í Olís Garðabæ, Kjarval á Hvolsvelli og Albínu á Patreksfirði. Þá voru tveir þeirra keyptir á lotto.is, tveir í Daníelsbita í Mosfellsbæ og jafnmargir í Happahúsinu í Kringlunni.