Sigurbergur skoraði fimm í naumum sigri Holstebro

Sigurbergur Sveinsson skoraði fimm mörk í eins marks sigri Team Tvis Holstebro á GOG Håndbold í fyrra leik liðanna í undanúrslitum danska handboltans.

Þetta var fyrri leikur liðanna í undanúrslitum, en leikið er bæði heiman og að heiman. Leikurinn í kvöld var á heimavelli GOG, en lokatölur 28-27 sigur Holstebro.

Deildarmeistararnir í Holstebro voru einu marki yfir í hálfleik, 12-11, og dramatíkin hélt áfram undir lokin.

GOG minnkaði muninn í 28-27 þegar 48 sekúndur voru eftir af leiknum, en Holstebro náði að halda boltanum út leiktímann.

Sigurbergur skoraði fimm mörk úr átta skotum og átti eina stoðsendingu, en Egill Magnússon var ekki í leikmannahópi Holstebro.