Fótbolti

Leikmenn fengu sms hálftíma á undan blaðamönnum

Kolbeinn Tumi Daðason skrifar
Sölvi Geir Ottesen er einn þeirra sem þarf að sitja heima með sárt ennið. Hann spilar nú í 2. deildinni í Kína.
Sölvi Geir Ottesen er einn þeirra sem þarf að sitja heima með sárt ennið. Hann spilar nú í 2. deildinni í Kína. Vísir
Landsliðsþjálfararnir Heimir Hallgrímsson og Lars Lagerbäck tilkynntu 23 manna hóp sinn fyrir EM í Frakklandi í Laugardalnum í dag. Meðal þeirra sem ekki voru valdir voru Gunnleifur Gunnleifsson, Rúrik Gíslason og Sölvi Geir Ottesen.

 Heimir Hallgrímsson útskýrði fyrir blaðamönnum að leikmenn hefðu fengið sms-skilaboð hálftíma fyrir fundinn í Laugardalnum í dag. Eðlilega væru allir sem ekki voru valdir vonsviknir. Af virðingu við þá hefðu þeir fengið upplýsingarnar aðeins á undan öðrum til að geta melt þær.

 „Það er eðlilegt að þeir séu vonsviknir sem voru ekki valdir í þetta stóra og mikla verkefni.“

 Sex leikmenn eru beðnir um að vera til taks komi eitthvað upp. Nánar um þá og hópinn hér.

 

EM 2016 í Frakklandi

Mest lesið


Fleiri fréttir

Sjá meira


×

Mest lesið