Fótbolti

Tuttugu ár í dag síðan Eiður kom inn fyrir Arnór í Eistlandi | Myndband

Kristinn Páll Teitsson skrifar
Eiður Smári Guðjohnsen birti í dag á Twitter-síðu sinni skemmtilegt myndband í tilefni þess að tuttugu ár eru síðan hann kom inná sem varamaður í fyrsta landsleik sínum gegn Eistlandi.

Eiður Smári sem var aðeins sautján ára gamall kom inná sem varamaður á 61. mínútu leiksins en hann kom inn fyrir föður sinn, Arnór Guðjohnsen í stöðunni 3-0 og lék síðustu 30. mínútur leiksins.

Var þetta í fyrsta sinn sem feðgar léku sama landsleikinn en þeir fengu aldrei tækifæri til þess að leika saman landsleik þar sem Eiður Smári fótbrotnaði aðeins nokkrum vikum síðar.

Var leikurinn gegn Eistlandi fyrsti leikur hans fyrir landsliðið en hann hefur leikið alls 84 leiki fyrir íslenska landsliðið.

Myndband frá því þegar Eiði var skipt inn fyrir Arnór má sjá hér fyrir neðan en það var birt á Twitter-síðu Eiðs Smára fyrr í dag.

EM 2016 í Frakklandi

Mest lesið


Fleiri fréttir

Sjá meira


×

Mest lesið