Sävehof tryggði sér oddaleik | Guif úr leik

Sävehof jafnaði metin í einvíginu við Lugi í 8-liða úrslitum um sænska meistaratitilinn í handbolta með þriggja marka sigri, 27-24, í fjórða leik liðanna í kvöld.

Atli Ævar Ingólfsson komst ekki á blað hjá Sävehof sem vann fyrsta leikinn í einvíginu en tapaði þeim tveimur næstu. Oddaleikur Sävehof og Lugi fer fram á föstudaginn.

Kristján Andrésson og lærisveinar hans í Guif eru úr leik eftir eins marks tap, 20-21, fyrir Alingsås á heimavelli.

Alingsås vann einvígið 3-1 og er komið áfram í undanúrslit.