Umferðin gengið vel að mestu um land allt

Margir leggja land undir fót um páskahelgina og því fjöldi á vegum landsins. Samkvæmt upplýsingum frá lögreglunni hefur allt farið fram með ró og spekt hingað til.

Ein bílvelta átti sér stað í gær upp á Steingrímsfjarðarheiði. Þar er hálka og sömu sögu er einnig að segja af Hálfdán og veginum á Mikladal. Snjóþekja er á Kleifarheiði og hálkublettir víða á svæðinu. Samkvæmt upplýsingum frá lögreglunni á Ísafirði lá nokkrum ökumönnum á þegar í Djúpið var komið en að öðru leiti hefur allt farið vel fram.

Hálka er á Holtavörðuheiði, Fróðárheiði og Vatnaleið en snjóþekja er á Bröttubrekku. Bíll, með fimm innanborð, endaði utan vegar á Holtavörðuheiði í gærnótt eftir að ökumaðurinn missti stjórn á bílnum í ísingu. Allir sluppu með minniháttar meiðsl.

Á leiðinni norður í land eru vegir að mestu auðir en hálka er á Öxnadalsheiði. Snjóþekja er í Eyjafirði og að Mývatni. Lögreglan á Akureyri hefur ekki þurft að hafa afskipti af neinum.

Ófært er um Vopnafjarðarheiði og um Mývatns- og Möðrudalsöræfi. Mokstur er hafinn. Þá er einnig ófært um Breiðdalsheiði og Öxi auk þess að vert er að vara við hálku og skafrenningi á Fjarðarheiði, í Fagradal og Oddskarði. Hálkublettir eru á stöku stað milli Fáskrúðsfjarðar og Breiðdalsvíkur en að öðru leiti eru vegir á suðausturströndinni greiðfærir.

Hálkublettir eru á Hellisheiði og vegum víða á Suðurlandi. Hálka er í þrengslum og Mosfellsheiði. Slys varð á Vesturlandsvegi í Kollafirði í gærkvöld.