Fimm slasaðir eftir bílveltu á Suðurlandi

Flytja þurfti konu með þyrlu á Landspítalann í Fossvogi eftir bílveltu á á Skeiða- og Hrunamannavegi sunnan Miðfells við Flúðir um klukkan fimm í nótt. Fjórir aðrir voru í bílnum og voru þeir allir fluttir á sjúkrahús með sjúkrabílum.

Þyrla Landhelgisgæslunnar var kölluð út en talið var að einn farþega, kona, væri með alvarlega höfuðáverka eftir bílveltuna. Þyrlan lenti við Landspítalann í Fossvogi um hálfsjö með konuna. Samkvæmt upplýsingum frá lögreglunni á Selfossi lítur þó út fyrir að að hún sé ekki jafn alvarlega slösuð og í fyrstu var talið.

Tveir voru voru fluttir með sjúkrabifreið á slysadeildina í Fossvogi og tveir á Heilbrigðisstofnun Suðurlands á Selfossi. Samkvæmt lögreglunni á Suðurlandi eru tildrög slyssins ekki ljós.