Reglum um formannskjör í Samfylkingunni mögulega breytt

Samkvæmt núgildandi reglum um formannskjör í Samfylkingunni gæti svo farið ef þrír eða fleiri bjóða sig fram, að sá sem fengi flest atkvæði samanlagt í fyrsta til þriðja sæti yrði kjörinn formaður flokksins. Kjörstjórn leggur til á flokksstjórnarfundi í dag að þessum reglum verði breytt.

Flokksstjórn Samfylkingarinar, sem er æðsta stofnun flokksins milli landsfunda, fundar í Iðnóí dag. Þar er stjórnarskráin aðal umræðuefnið og búast má við að fundurinn ræði hvort flokkurinn eigi standa aðþeim tillögum sem stjórnarskrárnefnd forsætisráðherra skilaði af sér á dögunum. En hún felur í sér takmarkaðar breytingar á stjórnarskránni. Helgi Hjörvar, sem er annar þeirra sem tilkynnt hefur að hann bjóði sig fram til embættis formanns, leggst gegn því að Samfylkingin standi að afgreiðslu málsins á Alþingi og tekur þar með undir með Pírötum íþeim efnum. En þeir vilja aðá næsta kjörtímabili verði unnið að gerð stjórnarskrár á grundvelli tillagna stjórnlagaráðs á stuttu þingi sem verði síðan rofið og boðað til kosninga.

„Já, ég tel að sú hugmynd að við förum fram með fá afmörkuð mál í næstu kosningum og stefnum að stuttu kjörtímabili sé góð til að endurvekja traust á milli stjórnmálanna og kjósenda í landinu,“ segir Helgi.

Kosningabandalag um fámál

Þá myndir þú jafnvel mæla með því að flokkarnir sem nú eru í stjórnarandstöðu færu fram saman í kosningabandalagi, eða hvað?

„Já. Værum með skýr afmörkuð loforð um aðildarumsóknina (þjóðaratkvæðagreiðslu), um stjórnarskrána en líka um húsnæðismál, jöfnuð og velferð.“

Helgi segir hugsanlegt að samþykkja tillögu stjórnarskrárnefndar um þjóðaratkvæðagreiðslur en að öðru leyti telji hann engar líkur á að Alþingi afgreiði tillögur stjórnarskrárnefndar forsætisráðherra.

„En ég held að við eigum eigi að síður að halda áfram baráttunni fyrir nýrri heildar stjórnarskrá sem tekur á öllum þeim stóru viðfangsefnum sem við þurfum til að berjast gegn spillingu og fyrir opnu, gagnsæu og lýðræðislegu samfélagi.“

Breytingar á formannskjöri

Samkvæmt reglum Samfylkingarinnar um formannskjör þarf frambjóðandi að ná yfir 50 prósentum atkvæða í embættið. Ef þrír væru í framboði ber kjósendum að gefa þeim tölurnar 1, 2 og 3 og ef enginn þeirra næði tilskyldum meirihluta eru talin saman atkvæði sem frambjóðendur fá í fyrsta og annað sætið. Ef það dugar heldur ekki til að frambjóðandi hafi meira en 50 prósent atkvæða á bakvið sig eru talin atkvæði manna í fyrsta, annað og þriðja sætið.

Þetta þýðir að frambjóðandi sem hefði flest atkvæði í þriðja sæti en fá atkvæði í sæti þar fyrir ofan gæti orðið formaður. Kjörstjórn flokksins leggur til að reglunum verði breytt þannig að ef enginn nái tilskyldum meirihluta í fyrstu umferð verði kosið á milli tveggja efstu í annarri umferð.