Myndasyrpa úr leik Íslands og Sviss

Íslenska kvennalandsliðið í handknattleik vann sinn fyrsta leik í undankeppni EM í dag.

Þá tóku stelpurnar á móti liði Sviss. Þetta var hörkuleikur. Miklar sveiflur, flott tilþrif og mistök í bland. Íslenska liðið fékk fjölmörg tækifæri til að ganga frá leiknum en geymdi það þar til í blálokin. Þær unnu að lokum eins marks sigur, 20-19.

Ísland tapaði gegn Sviss á dögunum en náði þarna fram hefndum. Stelpurnar eiga örlitla möguleika á að fara áfram en þurfa þá hagstæð úrslit gegn geysisterkum liðum Þýskalands og Frakklands.

Hér að ofan má sjá myndir úr leik dagsins sem Ernir Eyjólfsson tók.