Innlent

Þingmaður Framsóknarflokksins: Vonar að Sigmundur svari ekki Kára

Jakob Bjarnar skrifar
Kári og Sigmundur Davíð hafa eldað grátt silfur og þingflokki Framsóknarflokksins, ef marka má Harald Einarsson, er ekki skemmt eftir nýjasta útspil Kára.
Kári og Sigmundur Davíð hafa eldað grátt silfur og þingflokki Framsóknarflokksins, ef marka má Harald Einarsson, er ekki skemmt eftir nýjasta útspil Kára.
Haraldur Einarsson, þingmaður Framsóknarflokksins, skrifar langa færslu á Facebooksíðu sína þar sem hann fordæmir opið bréf Kára Stefánssonar, forstjóra íslenskrar, sem stílað er á forsætisráðherra og birtist í morgun.

Grein Kára hefur vakið mikla athygli og ef marka má orð Haraldar þá er Framsóknarmönnum ekki skemmt. Pistill Haraldar er undir yfirskriftinni: „Þegar skortir rökin“ og þar segir meðal annars:

„Ég velti fyrir mér eftir lestur þessa bréfs á hvaða leið Kári er miðað við rökin sem hann notar. Niðrar forsætisráðherra og dreifir gróusögum líkt og einn þingmaður fyrr í vikunni. Eru það hagsmunir fyrirtækis Kára að spítalinn verði í Vatnsmýri?“ spyr Haraldur.

Haraldur Einarsson segir opið bréf Kára mestu rökleysu sem hann hefur séð.
Kári og Sigmundur Davíð hafa eldað grátt silfur lengi, og ekki síst í tengslum við undirskriftasöfnun Kára sem hann kallar endurreisn heilbrigðiskerfisins. Sú undirskriftasöfnun hefur slegið öll met en þar hafa rétt tæp 85 þúsund einstaklinga fært nafn sitt til bókar.

Haraldi er ekki skemmt og grípur til líkingarmáls úr heimi sem hann þekkir vel sem frækinn hlaupari á árum áður, en besti tími hans er 11,02 sekúndur í 100 metra hlaupi:

„Það er nú þannig í spretthlaupi að maður hleypur ekkert hraðar með því að reyna að fella aðra. Og ég vona að Sigmundur fari ekki að svara þessari vitleysu. Því Kára virðist skorta rökin hvers vegna Landspítalinn ætti að vera í Vatnsmýri og fer því að rífa niður persónuna. Þetta er greinilega sjálfstætt framhald að því þegar Kári kallaði Sigmund „lítinn offitusjúkan tveggja ára dreng“. Það gerist hjá fólki sem hefur sannfæringu en skortir rök.“

Haraldur telur grein Kára einhverja mestu rökleysu sem hann hefur séð.

Þegar skortir rökinKári Stefánsson sendi í morgun opið bréf til Forsætisráðherra. Eina málefnið sem ég gat lesið úr þ...

Posted by Haraldur Einarsson on Friday, March 18, 2016
Kári ráðleggur Sigmundi að fara í sjóbað, horfa þá lengi í spegil og þylja möntru: það er gaman að vera forsætisráðherra, það er gaman að vera forsætisráðherra... þar til hann fer að trúa því sjálfur.

Tengdar fréttir

Segir forsætisráðherra vinna skemmdarverk

Kári Stefánsson segir það skemmdarverk af hálfu forsætisráðherra að leggja til breytingar á staðsetningu nýs Landspítala á þessari stundu. Undirskriftarsöfnun hans fyrir endurreisn heilbrigðiskerfisins er nú orðin sú stærsta í Íslandssögunni.

Kallar á vitundarvakningu í læknastétt

Guðmundur Jóhannsson er bráða- og lyflæknir á bráðamóttöku Landspítalans. Hann segir auknar fjárveitingar til heilbrigðiskerfisins duga skammt ef mataræði Íslendinga tekur ekki breytingum. Koma megi í veg fyrir marga króníska lífsstílssjúkdóma sem eru dýrir fyrir samfélagið með breyttu mataræði.




Fleiri fréttir

Sjá meira


×