Guðjón Valur kominn með 500 mörk í Meistaradeildinni

Guðjón Valur Sigurðsson skoraði í kvöld sitt 500. mark á ferlinum í Meistaradeild Evrópu. Þetta kom fram á Twitter-síðu keppninnar.

Guðjón Valur náði þessum áfanga þegar hann skoraði fyrsta mark sitt í leik Barcelona gegn Kristianstad í Svíþjóð en þegar þetta er skrifað er lítið eftir af fyrri hálfleik og Börsungar með 18-10 forystu.

Eins og fram kemur hér fyrir neðan hefur Guðjón Valur skorað fyrir alls fimm félög í Meistaradeild Evrópu en hann vann sinn fyrsta Evrópumeistaratitil með Barcelona í vor.

Congratulations to Gudjon Valur Sigurdsson for goal #500 in the #veluxehfcl! @FCBHandbol @RNLoewen @thw_handball pic.twitter.com/IESKUcdSH5

— EHF Champions League (@ehfcl) February 25, 2016