Leiðtogafundur ESB: Tusk segir samkomulag í höfn

Donald Tusk, forseti leiðtogaráðs ESB, segir að samkomulag hafi náðst á leiðtogafundi ESB um breytta aðildarskilmála Breta.

Tusk segir á Twitter-síðu sinni að leiðtogar aðildarríkjanna hafi samþykkti samninginn samhljóða.

Leiðtogafundur ESB hófst í Brussel í gær og hafa samningsdrögin verið við umræðu ásamt flóttamannavandanum sem aðildarríkin standa frammi fyrir.

David Cameron, forsætisráðherra Bretlands, segir að ríkisstjórn Bretlands verði kölluð til fundar á morgun. Reiknað er með að fljótlega verði greint frá hvenær samningurinn verði lagður í þjóðaratkvæði, en Cameron hafði áður heitið því að kosið yrði um framtíð ESB-aðildar Bretlands fyrir árslok 2017.

Deal. Unanimous support for new settlement for #UKinEU

— Donald Tusk (@eucopresident) February 19, 2016

I have negotiated a deal to give the UK special status in the EU. I will be recommending it to Cabinet tomorrow. Press conference shortly.

— David Cameron (@David_Cameron) February 19, 2016

Agreement #UKinEU done. Drama over.

— Dalia Grybauskaitė (@Grybauskaite_LT) February 19, 2016