Guðjón Valur og félagar í úrslit

Guðjón Valur Sigurðsson og félagar í Barcelona unnu góðan sigur á Ademar León, 33-27, í undanúrslitum spænska bikarsins í gær og er Barca komið í úrslitaleikinn sem fram fer í dag á þessari Final Four helgi í spænska handboltanum.

Fyrirliði íslenska landsliðsins skoraði þrjú mörk fyrir Barcelona í gær en liðið mætir SCDR Anaitasuna í úrslitaleiknum.

Anaitasuna hafði betur í hinum úrslitaleiknum 31-28 gegn Naturhouse - La Rioja í gær. Barcelona getur því unnið bikarinn þriðja árið í röð og telst liðið vera mjög sigurstranglegt.