Innkalla rækjusamlokur vegna fiskibeina

Sómi hefur ákveðið að innkalla Sóma Rækjusamlokur, Bónus rækjusamlokur, Júmbó rækjusamlokur, Sóma Rækjusalat og laxa og rækjusalat. Ástæðan er að fiskibein hafa fundist í rækjusamlokum. Ákvörðunin var tekin í samráði við Heilbrigðiseftirlit Hafnarfjarðar og Kópavogssvæðis.



Innköllunin einskorðast við eftirfarandi vörur

• Sómi rækjusamloka, nettóþyngd 170 g, pökkunardagsetning 22. nóvember og 23. nóvember, síðasti notkunardagur 25. nóvember og 26. nóvember. Strikamerki 5690597041002
• Bónus rækjusamloka, nettóþyngd 180 g, pökkunardagsetning 22. nóvember og 23. nóvember, síðasti notkunardagur 25. nóvember og 26. nóvember. Strikamerki 5690596004534
• Jumbó rækjusamloka, nettóþyngd 170 g, pökkunardagsetning 22. nóvember og 23. nóvember, síðasti notkunardagur 25. nóvember og 26. nóvember. Strikamerki 5690596001014
• Sómi rækjusalat, nettóþyngd 200 g, pökkunardagsetning 17. nóvember og 22. nóvember, síðasti notkunardagur 24. nóvember og 29. nóvember. Strikamerki 5690596069052
• Laxa & rækjusalat, nettóþyngd 200 g, pökkunardagsetning 17. nóvember og 22. nóvember, síðasti notkunardagur 24. nóvember og 29. nóvember. Strikamerki 5690596069045

Neytendum sem hafa keypt umræddar vörur er bent á að borða þær ekki í varúðarskyni. Hægt er að skila þeim í verslanir þar sem þær voru keyptar eða til Sóma, Gilsbúð 9. Garðabæ á milli klukkan 8-16 á virkum dögum.