Nýja Spice Girls lagið lak á netið: „Þetta er hræðilegt“

Breska poppsveitin Spice Girls eru að koma saman á ný og fóru fréttir af því að berast fyrr á árinu. Sveitin kemur ekki til baka í sinni upprunalegu mynd en núna verða þær aðeins þrjár, þær Geri Horner, Emma Bunton og Mel B.

Fyrsti smellurinn átti að koma út á næstunni en eins og svo oft þá lak lagið út. Það er því komið inn á YouTube og eru aðdáendur sveitarinnar ekki ýkja hrifnir eins og sjá má á Twitter.

Stutt er síðan lagið Wannabe hélt upp á 20 ára afmælið sitt en það var sjö vikur á toppi breska listans og fjórar í Bandaríkjunum. Vinsældir lagsins um heim allan og þá sérstaklega textinn sló algjörlega í gegn og komst lagið á topp vinsældarlistans í 22 löndum.

Hér að neðan má hlusta á lagið og skoða umræðuna á Twitter.