Faðir og stjúpmóðir Dakar ökumannsins Robby Gordon fundust látin

Robby Gordon er einn af litríkustu ökumönnum í Dakar þolaksturskeppninni og mætir ávallt til leiks á bandaríksum bíl og hefur oft náð góðu sæti í keppninni og þykir einkar litríkur keppandi. Faðir hans og stjúpmóðir fundust bæði látin í húsi í eigu fjölskyldunnar og ekki er ljóst hvernig lát þeirra bar að.

Þó er grunur talinn á að um morð og sjálfsmorð sé um að ræða en vopn fannst á dánarstað þeirra. Faðir Robby Gordon hét Robert Gordon og var 68 ára og eiginkona hans, Sharon var 57 ára. Robert var kunnur ökumaður í torfærukeppnunum “Baja Bob”.

Það var nágranni sem fann lík þeirra eftir að hafa verið beðinn um að aðgæta að hjónunum. Robby Gordon gerði garðinn frægan í NASCAR hraðaksturkeppnum en snéri sér svo að keppnum eins og Dakar þolakstrinum. Í Dakar keppninni snemma á þessu ári varð Robby að draga sig úr keppni eftir mörg óhöpp og veltur.