Starfsmenn framhaldsskóla fá margir enga jólagjöf frá ríkinu Garðar Örn Úlfarsson skrifar 23. janúar 2016 07:00 Úr Fréttablaði gærdagsins. „Engar jólagjafir eru gefnar starfsmönnum. Starfsmenn greiða sjálfir fyrir jólahlaðborðið sem er skipulagt af starfsmannafélaginu,“ segir í svari Steins Jóhannssonar, skólastjóra Fjölbrautaskólans við Ármúla, við fyrirspurn Fréttablaðsins. Eins og fram kom í Fréttablaðinu í gær eru engar sérstakar reglur í gildi um jólagjafir og veisluhöld fyrir starfsmenn stofnana og embætta ríkisins. Samkvæmt könnun blaðsins sem byggir á svörum frá þessum aðilum sem í gær voru 150 er afar misjafnt hvort og þá hvað ríkisstarfsmönnum er gefið í jólagjöf frá vinnuveitenda sínum. Sama gildir um jólaveislur. Sérstaklega áberandi er hversu starfsmenn framhaldsskóla bera skarðan hlut frá borði þegar kemur að gjöfum. Tekið er fram að þetta er langt í frá algilt varðandi skólana. „Ég var hálf miður mín að fá þessa spurningu, því við fyrsta lið er svarið ekkert og skólinn greiðir á móti starfsmannafélaginu í jólahlaðborðið og um þessi jól var það samtals 192 þúsund og deilist á 80 starfsmenn,“ svarar Jón Már Héðinsson, skólameistari Menntaskólans á Akureyri. „Starfsmenn Menntaskólans í Kópavogi hafa aldrei fengið jólagjafir frá skólanum. Ekki er boðið í jólahlaðborð utan skólans. Einu sinni á aðventu borða starfsmenn saman hangikjöt í mötuneyti skólans á kostnað skólans, án maka,“ segir Margrét Friðriksdóttir, skólameistari Menntaskólans í Kópavogi. „Engar jólagjafir voru færðar starfsmönnum enda hefur það ekki verið gert áður,“ segir í svari Jóns Reynis Sigurvinssonar, skólameistara Menntaskólans á Ísafirði. Hins vegar hafi öllum starfsmönnum verið boðið á jólahlaðborð. „Jólahlaðborðið var í mötuneyti skólans og kostaði 4.500 krónur á mann og samtals var útlagður kostnaður stofnunarinnar 120.000 krónur. Mökum var einnig boðið en þeir þurftu sjálfir að greiða kostnaðinn sem var 4.500 krónur.“ „Nei, starfsmönnum var ekki gefin jólagjöf, það tíðkast ekki við þessa stofnun,“ svarar Olga Lísa Garðarsdóttir, skólameistari Fjölbrautaskóla Suðurlands. Öllum hafi þó verið boðið í hangikjöt og malt og appelsín í vinnunni. Það hafi kostað 455 krónur á mann. Helgi Ómar Bragason skólameistari segir Menntaskólann á Egilsstöðum ekki hafa gefið starfsmönnum gjöf. Ekkert jólahlaðborð hafi verið að þessu sinni en starfsfólki hafi hins vegar verið boðið í hefðbundna útskriftarveislu fyrir brautskráða nemendur. „Starfsfólk FB fékk enga jólagjöf,“ segir Guðrún Hrefna Guðmundsdóttir, skólameistari Fjölbrautaskólans í Breiðholti. Skólinn hafi hins vegar styrkt starfsmannafélag FB um 4.500 krónur á mann vegna jólakvöldverðar. Starfsmönnum Fjölbrautaskóla Vesturlands var gefin jólagjöf í fyrsta skipta um nýliðin jól að sögn Ágústu Elínar Ingþórsdóttur skólastjóra. Gjöfin hafi verið ostakarfa sem kostaði 3.585 krónur á mann. Þá hafi starfsmönnum verið boðið í hangikjöt í hádeginu. Það hafi kostað skólann samtals 44.592 krónur. Það gera tæpar 700 krónur á mann. „Starfsmenn fengu enga jólagjöf frá Menntaskólanum að Laugarvatni,“ segir Halldór Páll Halldórsson, skólameistari Menntaskólans á Laugarvatni. Starfsmönnum hafi þó verið boðið á jólahlaðborð þar sem makar greiddu fyrir sig sjálfir. Kostnaður á starfsmann hafi verið 7.640 krónur á mann. Fleiri en framhaldsskólamenn sátu eftir í jólagjöfunum. „Starfsmönnum embættisins var hvorki gefin jólagjöf né var þeim boðið í jólahlaðborð,“ svarar Bjarni Stefánsson, sýslumaður á Norðurlandi vestra. „Starfsmönnum stofnunarinnar var ekki gefin jólagjöf og ekki boðið í jólahlaðborð eða sambærilegt samsæti,“ segir Árni Einarsson, forstöðumaður Náttúrurannsóknastöðvarinnar við Mývatn. Þá má nefna að Bankasýsla ríkisins færði starfsmönnum hvorki gjafir né blés til veislu. Tengdar fréttir Sátu dýrar jólaveislur í boði ríkisins en aðrir starfsmenn fengu ekkert Mikill munur er á jólagjöfum og veisluhaldi ríkisstofnana og embætta fyrir starfsmenn. Á meðan sumir fengu hvorki vott né þurrt sátu aðrir dýrar veislur með mökum sínum í boði ríkisins. 22. janúar 2016 08:15 Taktu ríkisjólagjafaprófið Dýrustu og veglegustu jólagjafir ríkisstofnana. 22. janúar 2016 10:12 Mest lesið Arnar Þór vantaði sex meðmæli upp á Innlent Svakalegt að sjá fylgisaukningu Höllu Hrundar Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Vill að fréttastofa RÚV biðji Maríu Sigrúnu afsökunar Innlent Mögulega að hægjast á landrisi í Svartsengi Innlent Fleiri fréttir Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Sjá meira
„Engar jólagjafir eru gefnar starfsmönnum. Starfsmenn greiða sjálfir fyrir jólahlaðborðið sem er skipulagt af starfsmannafélaginu,“ segir í svari Steins Jóhannssonar, skólastjóra Fjölbrautaskólans við Ármúla, við fyrirspurn Fréttablaðsins. Eins og fram kom í Fréttablaðinu í gær eru engar sérstakar reglur í gildi um jólagjafir og veisluhöld fyrir starfsmenn stofnana og embætta ríkisins. Samkvæmt könnun blaðsins sem byggir á svörum frá þessum aðilum sem í gær voru 150 er afar misjafnt hvort og þá hvað ríkisstarfsmönnum er gefið í jólagjöf frá vinnuveitenda sínum. Sama gildir um jólaveislur. Sérstaklega áberandi er hversu starfsmenn framhaldsskóla bera skarðan hlut frá borði þegar kemur að gjöfum. Tekið er fram að þetta er langt í frá algilt varðandi skólana. „Ég var hálf miður mín að fá þessa spurningu, því við fyrsta lið er svarið ekkert og skólinn greiðir á móti starfsmannafélaginu í jólahlaðborðið og um þessi jól var það samtals 192 þúsund og deilist á 80 starfsmenn,“ svarar Jón Már Héðinsson, skólameistari Menntaskólans á Akureyri. „Starfsmenn Menntaskólans í Kópavogi hafa aldrei fengið jólagjafir frá skólanum. Ekki er boðið í jólahlaðborð utan skólans. Einu sinni á aðventu borða starfsmenn saman hangikjöt í mötuneyti skólans á kostnað skólans, án maka,“ segir Margrét Friðriksdóttir, skólameistari Menntaskólans í Kópavogi. „Engar jólagjafir voru færðar starfsmönnum enda hefur það ekki verið gert áður,“ segir í svari Jóns Reynis Sigurvinssonar, skólameistara Menntaskólans á Ísafirði. Hins vegar hafi öllum starfsmönnum verið boðið á jólahlaðborð. „Jólahlaðborðið var í mötuneyti skólans og kostaði 4.500 krónur á mann og samtals var útlagður kostnaður stofnunarinnar 120.000 krónur. Mökum var einnig boðið en þeir þurftu sjálfir að greiða kostnaðinn sem var 4.500 krónur.“ „Nei, starfsmönnum var ekki gefin jólagjöf, það tíðkast ekki við þessa stofnun,“ svarar Olga Lísa Garðarsdóttir, skólameistari Fjölbrautaskóla Suðurlands. Öllum hafi þó verið boðið í hangikjöt og malt og appelsín í vinnunni. Það hafi kostað 455 krónur á mann. Helgi Ómar Bragason skólameistari segir Menntaskólann á Egilsstöðum ekki hafa gefið starfsmönnum gjöf. Ekkert jólahlaðborð hafi verið að þessu sinni en starfsfólki hafi hins vegar verið boðið í hefðbundna útskriftarveislu fyrir brautskráða nemendur. „Starfsfólk FB fékk enga jólagjöf,“ segir Guðrún Hrefna Guðmundsdóttir, skólameistari Fjölbrautaskólans í Breiðholti. Skólinn hafi hins vegar styrkt starfsmannafélag FB um 4.500 krónur á mann vegna jólakvöldverðar. Starfsmönnum Fjölbrautaskóla Vesturlands var gefin jólagjöf í fyrsta skipta um nýliðin jól að sögn Ágústu Elínar Ingþórsdóttur skólastjóra. Gjöfin hafi verið ostakarfa sem kostaði 3.585 krónur á mann. Þá hafi starfsmönnum verið boðið í hangikjöt í hádeginu. Það hafi kostað skólann samtals 44.592 krónur. Það gera tæpar 700 krónur á mann. „Starfsmenn fengu enga jólagjöf frá Menntaskólanum að Laugarvatni,“ segir Halldór Páll Halldórsson, skólameistari Menntaskólans á Laugarvatni. Starfsmönnum hafi þó verið boðið á jólahlaðborð þar sem makar greiddu fyrir sig sjálfir. Kostnaður á starfsmann hafi verið 7.640 krónur á mann. Fleiri en framhaldsskólamenn sátu eftir í jólagjöfunum. „Starfsmönnum embættisins var hvorki gefin jólagjöf né var þeim boðið í jólahlaðborð,“ svarar Bjarni Stefánsson, sýslumaður á Norðurlandi vestra. „Starfsmönnum stofnunarinnar var ekki gefin jólagjöf og ekki boðið í jólahlaðborð eða sambærilegt samsæti,“ segir Árni Einarsson, forstöðumaður Náttúrurannsóknastöðvarinnar við Mývatn. Þá má nefna að Bankasýsla ríkisins færði starfsmönnum hvorki gjafir né blés til veislu.
Tengdar fréttir Sátu dýrar jólaveislur í boði ríkisins en aðrir starfsmenn fengu ekkert Mikill munur er á jólagjöfum og veisluhaldi ríkisstofnana og embætta fyrir starfsmenn. Á meðan sumir fengu hvorki vott né þurrt sátu aðrir dýrar veislur með mökum sínum í boði ríkisins. 22. janúar 2016 08:15 Taktu ríkisjólagjafaprófið Dýrustu og veglegustu jólagjafir ríkisstofnana. 22. janúar 2016 10:12 Mest lesið Arnar Þór vantaði sex meðmæli upp á Innlent Svakalegt að sjá fylgisaukningu Höllu Hrundar Innlent Karlremba sé komin í tísku Innlent Fengu aðstoð sérsveitar og Gæslunnar við handtöku við Grímsvötn Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Vill að fréttastofa RÚV biðji Maríu Sigrúnu afsökunar Innlent Mögulega að hægjast á landrisi í Svartsengi Innlent Fleiri fréttir Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Sjá meira
Sátu dýrar jólaveislur í boði ríkisins en aðrir starfsmenn fengu ekkert Mikill munur er á jólagjöfum og veisluhaldi ríkisstofnana og embætta fyrir starfsmenn. Á meðan sumir fengu hvorki vott né þurrt sátu aðrir dýrar veislur með mökum sínum í boði ríkisins. 22. janúar 2016 08:15