Áttatíu fermetra íbúð í miðbænum á hundrað milljónir

Fasteignamiðstöðin Hlíðasmára er með á söluskrá afar vandaða íbúð á fimmtu hæð í fjölbýlishúsi, ásamt bílastæði í lokuðum bílakjallara að Lækjargötu 4 í miðborginni á besta stað í Reykjavík.

Um er að ræða fallega og vandaða tveggja herbergja íbúð sem er 78,2 fermetrar á tveimur hæðum í hjarta miðborgar Reykjavíkur ásamt 13,5 fermetra stæði í lokuðu bílastæðahúsi. Íbúðin er í dag leigð út til erlendra ferðamanna.

Kaupverðið er 97,5 milljónir en fasteignamat eignarinnar er 31 milljón. Hér að neðan má sjá skemmtilegar myndir innan úr íbúðinni.