Flogin úr hreiðrinu

Áslaug Arna Sigurbjörnsdóttir, fyrrverandi formaður Heimdallar, tók stórt skref um liðna helgi en þá flaug hún úr hreiðrinu og hafði nýverið fest kaup á sinni fyrstu íbúð.

„Eftir tuttugu og þrjú ár í föðurhúsunum var komið að þessu,“ sagði Áslaug glöð í bragði.

Áslaug útskrifast með BA-gráðu úr lögfræðideild frá Háskóla Íslands á næstunni.

„Ég ætla að starfa hjá lögreglunni á Selfossi í sumar og svo mun ég demba mér í mastersnám í haust,“ segir þessi dugnaðarforkur inntur eftir framtíðarplönunum.